逃生指示牌及壁畫創作計劃
Sign Art & Mural at Pokfulam Village
/ 薄扶林村
呢度有成200幾年豐厚歷史，仲係2013年被列入為世界文化遺產監察名單，不過…… 依家仍面對市區重建壓力，例如前牛奶公司工人宿舍改建成高密度住宅，而且嚴格嘅寮屋政策之下，令村民難以維修建築物。
/ 今次活動想 ...
舊年，薄扶林村進行建立電子地圖系統～ 我哋以義工身份幫手，拎住全球定位系统走過村內行人路作記錄～ 眼見嘅寮屋都處於崎嶇位置，交織住錯綜複雜嘅通道，加上寮屋一般都以草率嘅方式蓋搭而成，附近仲靠近山坡添。
嘩！如果發生山泥傾瀉、火警容咩易引起人命意外架？ 係架！依家有咗電子地圖，如果加埋有系統性嘅逃生指示牌係通道度，咁就更加完善村內設施，萬一遇上意外，村民和訪客就能快速逃離現場，減低人命傷亡！
除咗創作逃生指示牌之外，工作坊仲有壓軸活動！就係為村內外牆以塗鴉手法繪畫壁畫，表達薄扶林村嘅文化同歷史！ 令路途人能透過壁畫對薄扶林村有所了解～ 增加大眾注意之外，亦希望有更多社群關注香港保育議題，同時為村民改善村內環境，增加薄扶林村的文化資產價值，減低被城市發展摧毁機會，加強保育。
/ 逃生指示牌及壁畫工作坊
- 11月26日、12月3日 星期六, 10am - 6pm, 薄扶林村
導賞、塗鴉藝術介紹、製作逃生指示牌及釘上適當的分岔通道位置。
- 12月4、18日 星期日, 10am - 6pm, 薄扶林村
以薄扶林村歷史文化背景，創作富有當村特色的壁畫。
- 對象 14－20歲為優先
- 名額 20位
- 費用 全免
* 如能出席所有工作坊的日子為優先，先到先得，額滿即止。
同時招募村內義工一同參與！
請填妥以下網上報名表格，Smile Maker 將透過電郵回覆確實參加者名單。
即時報名
電郵查詢 hello@smilemaker.hk
此計劃由賽馬會“創不同”學院 “累積學習”計劃及UnLtd Hong Kong全力支持
